ශ්‍රී ලාංකේය සිනමාව වෙනුවෙන් කළ සේවය අගයමින් ජ්‍යෙෂ්ඨ සිනමාකරුවෙකුට ජීවිත කාලයට වරක් උපහාර ලබා දෙන සම්මානය ලබා දීමට යාපනය ජාත්‍යන්තර සිනමා උලෙළ කටයුතු කළේය.

ශ්‍රී ලාංකික සිනමාව වෙනුවෙන් සහ ජාත්‍යන්තර සිනමාව වෙනුවෙන්ද කළ මෙහෙය වෙනුවෙන්ද පිදුම් ලැබිය යුතු මේ සිනමාකරුවා පිදීමේ අවස්ථාවට සම්මාන උලෙළේ අධ්‍යක්ෂ අනෝමා රාජකරුණා, යාපනය විශ්ව විද්‍යාලයේ ජ්‍යෙෂ්ඨ කථිකාචාර්ය සාමිනාදන් විමල්ද මෙම අවස්ථාවට සහභාගිව සිටියහ.

සෑම වසරකම යාපනය ජාත්‍යන්තර සිනමා උලෙළේ සම්ප්‍රදායක් හැටියට පිදෙන මෙම සම්මානය ශ්‍රී ලාංකේය සිනමාව වෙනුවෙන් සදානුස්මරණීය සේවාවක් කළ, කුසලතා පරිපූර්ණ මෙම කලාකරුවා වෙනුවෙන් වෙන් කිරීමද ඇගයිය යුතු කරුණකි.
සම්මානනීය සිනමා සහ වේදිකා අධ්‍යක්ෂවරයෙකු, නළුවෙකු සහ තිර රචකයකු වන ධර්මසිරි බණ්ඩාරනායකයන් පිළිබඳව එම උලෙළ විසින් විශේෂ සටහනක්ද තබා තිබිණි.

1949 ඔක්තෝබර් 06 වැනිදා උපන් ධර්මසිරි බණ්ඩාරනායක කෑගල්ලේ සහ හොරණ විද්‍යාරතන විදුහලේ අධ්‍යාපනය ලැබූවෙකි. තරුණ වියේදී චිත්‍රපට ගැන තිබූ උද්යෝගයෙන් චිත්‍රපට නැරඹීම සඳහා ඔහු මිලිමීටර් 16 ප්‍රොජෙක්ටරයක් ගෙනවිත් සිය නිවසේ සවි කළේය. තම ප්‍රොජෙක්ටරය මගින් බැලිය හැකි සියලු රීල් කොළඹ පිහිටි සියලු ස්ථානවලින් ගෙනා අතර ඔහු සිනමාකරණය, සංස්කරණය, අධ්‍යක්ෂණය සහ තිරරචනය තමන් විසින්ම ඉගෙනගනු ලැබිණි.
ධර්මසිරි බණ්ඩාරනායක වේදිකා අධ්‍යක්ෂවරයෙකු සහ නළුවෙකි. ඒකා අධිපති නාට්‍යයෙන් සිය කලා ආගමනය 1976දී සනිටුහන් කළ ඔහු රාජ්‍ය නාට්‍ය උලෙළේදී එම නාට්‍ය හොඳම නාට්‍ය ලෙස සම්මාන ලැබීය. එම නාට්‍යය වෙනුවෙන් බණ්ඩාරනායකයන් හොඳම අධ්‍යක්ෂවරයා සහ හොඳම නළුවාද විය. ඔහුගේ අනෙකුත් නිර්මාණ වන මකරාක්ෂයා, ධවල භීෂණ, යක්ෂාගමනය සහ ට්‍රෝජන් කාන්තාවෝ නාට්‍යද හොඳම නාට්‍යය, හොඳම අධ්‍යක්ෂණය වෙනුවෙන් රාජ්‍ය නාට්‍ය සම්මාන උලෙළේදී සම්මාන ලැබීය.
1979දී නිමැවුණු ධර්මසිරිගේ 'හංස විලක්' සිංහල සිනමාවේ ගෞරවනීය සලකුණක් ලෙස හැඳින්වේ. දකුණු ආසියාවේ හොඳම සිනමා නිර්මාණ දහය අතරින් එකක් ලෙස 'හංස විලක්' බ්‍රිතාන්‍ය සිනමා ආයතනයේ ගබඩා කර තිබේ. ඔහුගේ අනෙක් චිත්‍රපට වන තුන්වෙනි යාමය, සුද්දිලාගේ කතාව, බව දුක, සහ බව කර්ම සිංහල සිනමා රසිකයන්ගේ පුරාවෘත්ත ලෙස හඳුන්වනු ලබයි.
ධර්මසිරි ශ්‍රී ලංකාවේ සංහිඳියාව වෙනුවෙන් නිබඳව පෙනී සිටින අයකු වේ. ග්‍රාමීය කාන්තාවන් සූරාකෑම සහ දුප්පතුන් කොන් කිරීම පිළිබඳව වන ශ්‍රී ලංකාවේ සමාජ ප්‍රශ්න වෙනුවෙන් ආමන්ත්‍රණය කිරීම සඳහා ඔහු වාර්තා චිත්‍රපට කිරීමටද යොමු විය. Echoes of War, Paradise Lost, Across the Fence and Wounds of War ඉන් සමහරකි. ධර්මසිරි ජීවත් වූ දේශපාලන වටපිටාව විසින් ඔහුගේ වේදිකා සහ සිනමා නිර්මාණ කිරීමෙන් ඔහු සවිඥානික කලාකරුවකු වීම පිණිස පොළඹවනු ලැබිණි. ඔහු සංහිඳියාව සඳහා ප්‍රමුඛ ලෙස හඬ නගන TrikonE Cultural Institute (ට්‍රීකොන් සංස්කෘතික පදනම)හි ආරම්භකයාද වේ.
ශ්‍රී ලංකාවේ සංස්කෘතික ක්ෂේත්‍රයට සුළුතර ප්‍රජාවන් විසින් සිදු කරන ලද වැදගත් දායකත්වය ගැන අවධානය යොමු කිරීමට සහ ප්‍රවර්ධනය කිරීමට කටයුතු කෙරුණ ධර්මසිරිගේ උත්සාහයන් අගයමින් 2022දී ඔහුට මැන්චෙස්ටර් විශ්ව විද්‍යාලයෙන් ගෞරව පදක්කමක් හිමි වූ අතර නාට්‍ය හා සිනමාවේ විශේෂ ජයග්‍රහණ සඳහා වූ ජපාන - ශ්‍රී ලංකා මිත්‍රත්ව සංස්කෘතික අරමුදල පිරිනමන ගෞරව සම්මානය වන බුන්කා සම්මානය 1996 වසරේදී ඔහු හිමි කරගත්තේය.
ධර්මසිරි බණ්ඩාරනායකගේ සිනමාව සඳහා වන මෙහෙවර වෙනුවෙන් යාපනය ජාත්‍යන්තර සිනමා උලෙළේ 09 වැන්න ජීවිත කාලයට වරක් පිදුම් දෙන සම්මානයෙන් ඔහු පිදීමට කටයුතු කරන්නෙමු.