'මැයි මාර ප්‍රසංගය' සිනමාපටය සමගින් සිනමා අධ්‍යක්ෂවරයෙකු ලෙස ක්ෂේත්‍රයට පය තබන ලේඛක මහින්ද ප්‍රසාද් මස්ඉඹුල මෙවර 'මතක පද' යූටියුබ් සංවාදයට සහභාගි විය.

'මැයි මාර ප්‍රසංගයේ' ප්‍රධාන චරිතය වන සමිද යනු සිය ජීවිතය තුළ ආදරය වෙනස්ව දකින අයකු ලෙස තමන්ට හමු වූ එකම තැනැත්තා බවත් තමන් නොකීවද මේ වන විට 'මැයි මාර ප්‍රසංගය' නවකතාවේ සත්‍යය පාඨකයන් විසින් ගවේෂණය කරනු ලැබ ඇති බවත් මහින්ද සිය සංවාදයේදී පවසයි.
තමන් කොතරම් නිර්මාණකරණයේ යෙදුණද තමන්ගේ මනෝභාවයන් බොහෝ විට ඇත්තේ කාව්‍යකරණය ඇසුරේ බව පවසන මහින්ද නුවන් තොටවත්ත, ලක්ෂාන්ත අතුකෝරල, ටිම්රාන් කීර්ති, රුවන් බන්දුජීව වැනි කවීන් තමන්ව පුදුමයට පත් කරන කවීන් බවද තවදුරටත් ප්‍රකාශ කරයි.
'මතක පද' යූටියුබ් සංවාදය සෑම සිකුරාදාවකම එම යූටියුබ් නාලිකාවේ සවස 04ට විකාශය වේ.