සුරංග ද අල්විස් විසින් අධ්‍යක්ෂණය කරනු ලැබූ Room No: 106 චිත්‍රපටය මේ වසරේ තිරගත වීමට නියමිත බෙහෙවින් බලාපොරොත්තු තැබූ චිත්‍රපටයක් වන අතර එහි ආකර්ෂණීය ගීතයක් ලෙස 'එනු එපා ආයේ' ගීතය එළිදක්වා තිබේ.
සංඛ දිනෙත් විසින් නිර්මාණය කරනු ලැබූ ගීතයේ පද රචනා ඉසුරු වීරසිංහ මුදලි විසිනි.
ශ්‍රී ලංකාව තුළ සිදු වූ ආන්දෝලනාත්මක මෙන්ම සාහසික සහ අභිරහස් ඝාතනයක් හෙළිදරව් කෙරෙන මෙම චිත්‍රපටය කොළඹදී මීට කලකට පෙර හමු වූ බෑගයක දමා තිබූ කාන්තා මළ සිරුර වටා වූ සැබෑ කතාව පාදක කොට තැනුණකි.
සුනෙත් මාලිංග ලොකුහේවා තිර රචනය කළ චිත්‍රපටයේ බිමල් ජයකොඩි, ඩිශ්නි රාජපක්ෂ, ශ්‍යාම් ප්‍රනාන්දු, ධනංජය සිරිවර්ධන, දමිතා අබේරත්න, ඉශාන් මෙන්ඩිස්, නයෝමි තක්ෂිලා ධනූ ඉන්නාසිතම්බි යනාදී නළු නිළි රැසක් රංගනයෙන් දායක වෙති.
