උපුල් ශාන්ත සන්නස්ගලව බොහෝ දෙනෙක් දන්නේ ලංකාවේ සිංහල විෂය ගැන ජනප්‍රිය උපකාරක පංති දේශකවරයෙක් විදිහට.

ඒ වගේම ඔහු නවකතා කරුවෙක් විදිහටත්, ගීත රචකයෙක් වගේම චිත්‍රපට නිෂ්පාදකයෙක් විදිහටත් කටයුතු කරනවා.

“තංගමලේ ඩයරීස්” කියන්නේ උපුල් ශාන්ත සන්නස්ගල විසින් ප්‍රථම වරට චිත්‍රපට අධ්‍යක්ෂණයට පිවිසෙමින් නිර්මාණය වන සිනමා නිර්මාණයක්. මෙහි තිර රචකයා වන්නෙත් ඔහුයි.

කාලයක් තිස්සේ බොහෝ කතා බහට ලක් වූ මේ චිත්‍රපටයේ රූගත කිරීම් පහුගිය දවස්වල හපුතලේ තංගමලේ ප්‍රදේශයේදී පැවැත්වුණා. මේ වෙන කොට චිත්‍රපටයේ රූගත කිරීම් බොහොමයක් අවසන් කියලයි වාර්තා වෙන්නේ.

ලංකාවේ සිනමා ක්ෂේත්‍රයේ ප්‍රවීණ ශිල්පීන් බොහෝ දෙනෙක් දායක වෙලා සිදු වෙන මේ නිර්මාණයේ කැමරා අධ්‍යක්ෂකවරයා විදිහට වැඩ කරන්නේ චන්න දේශප්‍රිය.

ඉසුරු ලොකුහෙට්ටිආරච්චි, සනත් ගුණතිලක, මහේන්ද්‍ර පෙරේරා, විෂ්නු වාසු ඇතුලු නළු නිළියන් රැසක් මෙයට රංගනයෙන් එක්වනවා.

ඉතින්, මේ චිත්‍රපටය ගැන උපුල් ශාන්ත සන්නස්ගල පසුගියදා සිය මුහුණු පොතේ අපූරු සටහනක් තබලා තිබුණ.

එම සටහනේ මේ චිත්‍රපටයට “තංගමලේ ඩයරීස්” කියලා නම හැදුන විදිහ ගැන වගේම එය නිර්මාණය උන විදිහ ගැන තොරතුරුත් ඔහු සදහන් කරලා තිබුණා. පහතින් දැක්වෙන්නේ ඒ සටහන.

(උපුටා ගැනීම)

ෆිල්ම් එකේ මේන් ලොකේශන් විදියට 'තංගමලේ ෆාම් හවුස්' නමින් මීදුම් නිවස්නයක් හැදුවා.

බයිස්කෝප් එකේ සින්දු කීපයක තව දර්ශන කීපයක් රූපගත කරන්න තියනවා. අනෙක් සියල්ල රූපගත කොට අවසන්. දැන් පොඩි විවේකයකින් පස්සෙ

'තංගමලේ ඩයරීස්' ෆිල්ම් එක එඩිට් කරන්න පටන් ගන්නවා.

මිතුරු මිතුරියනි;

මගේ ෆස්ට් ෆිල්ම් එක ඔබත් එක්ක එක ප්‍රේක්ෂකාගාරයක සමසුන්ව හිඳ විඳගන්නට මම හීන දකිනවා.

'හීනයක් කියන්නෙ සැළසුමක්' මම ඒක දැඩිව විශ්වාස කරනවා.