වසරේ විශිෂ්ටතම හොලිවුඩ් චිත්‍රපට සහ ඇමරිකානු රූපවාහිනී කතාමාලා වෙනුවෙන් සම්මාන ප්‍රදානය කෙරෙන ලොව ප්‍රධාන සම්මාන උළෙලක් වන ගෝල්ඩන් ග්ලෝබ්ස් සම්මාන උළෙල මෙවරත් අති උත්කර්ෂවත් අයුරින් ඇමරිකාවේ ලොස් ඇන්ජලීස් හිදී පැවැත්විණි.

මෙවර පැවැත්වුණේ 83 වන ගෝල්ඩන් ග්ලෝබ්ස් සම්මාන උළෙලයි.

මෙවර සම්මාන උළෙලේ සිනමා අංශයේ වැඩි ගෞරවයක් දිනා ගැනීමට 'One Battle After Another' සහ 'Hamnet' යන නිර්මාණ සමත් වූ අතර, රූපවාහිනී අංශයෙන් නෙට්ෆ්ලික්ස් හි 'Adolescence' කතා මාලාව සිය ජයග්‍රාහී ගමන තවදුරටත් තහවුරු කළේය.

සිනමා අංගයේ ප්‍රධාන ජයග්‍රහණ

සිනමා අංශයේ හොඳම චිත්‍රපටය(Drama) ලෙස 'Hamnet' සම්මානය දිනාගත් අතර,

 

හොඳම චිත්‍රපටය (සංගීතමය හෝ හාස්‍ය) ලෙස 'One Battle After Another' තේරී පත් විය.

 

 

මෙම වසරේ හොඳම අධ්‍යක්ෂවරයාට සහ හොඳම තිර රචනයට හිමි සම්මාන ද්විත්වයම 'One Battle After Another' චිත්‍රපටය වෙනුවෙන් පෝල් තෝමස් ඇන්ඩර්සන් විසින් දිනා ගැනීම විශේෂත්වයකි.

අනෙකුත් ප්‍රධාන සිනමා සම්මාන පහත පරිදි වේ:

 

හොඳම සජීවීකරණ (Animated) චිත්‍රපටය: KPop Demon Hunters

 

 

හොඳම ඉංග්‍රීසි නොවන භාෂා චිත්‍රපටය: The Secret Agent

 

හොඳම නිළිය (Drama): ජෙසී බක්ලි(Jessie Buckley)- (Hamnet චිත්‍රපටය වෙනුවෙන්)

 

 

හොඳම නළුවා (Drama චිත්‍රපට කාණ්ඩය): වග්නර් මෞරා (Wagner Maura) (The Secret Agent චිත්‍රපටය වෙනුවෙන්)

 

 

හොඳම නිළිය (සංගීතමය හෝ හාස්‍ය): Rose Byrne (If I Had Legs I'd Kick You චිත්‍රපටය වෙනුවෙන්)

 

හොඳම නළුවා (සංගීතමය හෝ හාස්‍ය): Timathee Chalmet (Marty Supreme චිත්‍රපටය වෙනුවෙන්)

 

රූපවාහිනී අංශයේ ජයග්‍රහණ

රූපවාහිනී අංශයෙන් නෙට්ෆ්ලික්ස් (Netflix) නිර්මාණ ඉදිරියෙන් සිටි අතර, 'Adolescence' කතා මාලාව සිය ජයග්‍රාහී ගමන තවදුරටත් තහවුරු කළේය.

හොඳම නාට්‍යමය කතා මාලාව (Drama Series): The Pitt

 

 

හොඳම හාස්‍ය හෝ සංගීතමය කතා මාලාව: The Studio

 

හොඳම සීමිත කතා මාලාව: Adolescence