ශ්‍රී ලාංකේය සිනමාවේ ප්‍රවීණ සහ සම්මානනීය රංගන ශිල්පී මහේන්ද්‍ර පෙරේරා ගේ 70 වැනි ජන්ම දිනය සහ දශක පහක සිනමා නිර්මාණ දායකත්වය අගයමින් සංවිධානය කරනු ලබන 'මහේන්ද්‍ර පෙරේරා උපහාර චිත්‍රපට සතිය' (Mahendra Perera Tribute Film Week) අගෝස්තු 10 වැනි දින සිට ජාතික චිත්‍රපට සංස්ථාවේ තරංගනී සිනමා ශාලාවේදී පැවැත්වේ.

මැලේසියානු සහ සිංගප්පූරු ජාත්‍යන්තර සිනමා උළෙලේ දී 'රිවර්ස්ටන්' (Riverstone) චිත්‍රපටය වෙනුවෙන් හොඳම නළුවා ලෙස සම්මානයට පාත්‍ර වූ, මෙරට ප්‍රේක්ෂක හදවත් දිනාගත් සුවිශේෂී කලාකරුවෙකුගේ සිනමා දිවිය සැමරීම වෙනුවෙන් මෙම සුවිශේෂී සිනමා උළෙල ක්‍රියාත්මක වේ.

මෙම උපහාර උළෙල තුළ ප්‍රදර්ශනය කෙරෙන සිනමා නිර්මාණ කාලසටහන පහත පරිදි වේ:

අගෝස්තු 10 (ප.ව. 6.30): මිල්ලේ සොයා (Mille Soya) - අධ්‍යක්ෂණය: බූඩි කීර්තිසේන

අගෝස්තු 12 (ප.ව. 6.30): '28' - අධ්‍යක්ෂණය: ප්‍රසන්න ජයකොඩි

අගෝස්තු 14 (ප.ව. 6.30): සුළඟ එනු පිණිස (Sulanga Enu Pinisa) - අධ්‍යක්ෂණය: විමුක්ති ජයසුන්දර

අගෝස්තු 15 (ප.ව. 3.30): පැරඩයිස් (Paradise) - අධ්‍යක්ෂණය: ප්‍රසන්න විතානගේ

අගෝස්තු 15 (ප.ව. 6.30): බඹර වළල්ල (Bambara Walalla) - අධ්‍යක්ෂණය: අතුල ලියනගේ

අගෝස්තු 16 (ප.ව. 3.30): කළු සුදු සහ අළු (Kalu Sudu Saha Alu) - අධ්‍යක්ෂණය: සුදත් මහදිවුල්වැව

අගෝස්තු 16 (ප.ව. 6.30): සඳ දඩයම (Sanda Dadayama) - අධ්‍යක්ෂණය: අශෝක හඳගම

විශේෂයි: මෙම සිනමා දැක්ම සඳහා ප්‍රවේශපත්‍ර සම්පූර්ණයෙන්ම නොමිලේ ලබා දෙනු ලැබේ, ආසන සංඛ්‍යාව සීමිත බැවින්, සිනමා ලෝලීන්ට Eventure.lk වෙබ් අඩවිය හරහා හෝ Mahendra Perera Actors Studio නිල ෆේස්බුක් පිටුව ඔස්සේ කඩිනමින් තම ආසන වෙන් කරවා ගන්නා ලෙස සංවිධායක මණ්ඩලය දන්වා සිටියි.