“දැකල පුරුදු කෙනෙක්” නවතම පූර්ව ප්‍රචාරක පටය අන්තර්ජාලයට
මලිත් හෑගොඩගේ කුළුඳුල් සිනමා අධ්‍යක්ෂණය වන “දැකල පුරුදු කෙනෙක්” නවතම පූර්ව ප්‍රචාරක පටය අන්තර්ජාලය වෙත නිකුත් කර තිබේ.
ලන්ඩන් චිත්‍රපට උළෙල, මොන්ට්‍රියල් චිත්‍රපට උළෙල,ජෝග්ජා චිත්‍රපට උළෙල වැනි ජාත්‍යන්තර සිනමා උළෙල කිහිපයක්ම නියෝජනය කර ඇගයුම් ලැබූ මෙම නිර්මාණය 2015 යාපනය අන්තර්ජාතික සිනමා උළලේ හොඳම ප්‍රථම චිත්‍රපටයට හිමි සම්මානය, 2018 සරසවි සම්මාන උළලේ ලෙස්ටර් ජේම්ස් පීරිස් සම්මානය, 2016 දෙරණ සිනමා උළලේ මතු බලාපොරොත්තු තැබිය හැකි අධ්‍යක්ෂ සම්මානය ඇතුළු සම්මාන කිහිපයක්ම දිනා ගන්නා ලදී.
භූපති නලින් වික්‍රමගේ තිර රචනය කොට ඇති “දැකල පුරුදු කෙනෙක්” වෙනුවෙන් සමාධි ලක්සිරි, බිමල් ජයකොඩි, ලක්ෂ්මන් මෙන්ඩිස්, කෞශල්‍යා ප්‍රනාන්දු, චමිලා පීරිස්, දයාදේව එදිරිසිංහ ඇතුළු පිරිසක් රංගන දායකත්වය සපයා තිබේ.
මෙම සිනමා කෘතිය මාර්තු 8 වැනිදා සිට දිවයින පුරා ප්‍රදර්ශනය කිරීමට නියමිත යි.
