මෙවර ඔස්කාර් සම්මාන උළෙලේදී හොඳම වාර්තා චිත්‍රපටයට හිමි සම්මානය හිමි කර ගත්තේ ‘No Other Land’ වාර්තා චිත්‍රපටයයි.
මෙම වාර්තා චිත්‍රපටයට ඔස්කාර් සම්මානය හිමි වීමෙන් පසු මේ පිළිබඳව නැවතත් කතා බහක් නිර්මාණය වූයේ මීට දින කිහිපයකට පෙර මෙම වාර්තා චිත්‍රපටය නිර්මාණය සදහා දායක වූ මෙහි සම අධ්‍යක්ෂකවරයෙක් ලෙස කටයුතු කළ ඊශ්‍රායල ජාතික හම්ඩීන් බලාල් (Hamden Balal) ඊශ්‍රායල ජාතිකයන් පිරිසකගේ ප්‍රහාරයටත් ලක් වීමත් සමගයි. එමෙන්ම ඔහුව ඊශ්‍රායල හමුදා අත්ඩංගුවට ගනු ලැබූ බව ද බව විදෙස් මාධ්‍ය වාර්තා කළා.
මෙම සිදුවීමත් සමග නැවතත් බොහෝ දෙනෙකුගේ අවධානය මෙහි නිර්මාණකරුවන් පිළිබඳව මෙන්ම මෙම වාර්තා චිත්‍රපටය වෙතට ද යොමු වී තිබෙනවා.
පහතින් දැක්වෙන්නේ මෙම වාර්තා චිත්‍රපටය පිළිබඳව සිදු කල විමසා බැලීමකි.
මෙවර ඔස්කාර් සම්මාන උළෙලේ හොඳම වාර්තා චිත්‍රපටය සඳහා සම්මානය හිමි කර ගත්තේ ‘No Other Land’ යන වාර්තා චිත්‍රපටයයි. එය ඊශ්‍රායල හමුදාව විසින් තම ප්‍රජාව විනාශ කිරීමට එරෙහිව සටන් කරන පලස්තීන ක්‍රියාකාරීන්ගේ කතාව ගැන කියවෙන්නකි.
මෙම වාර්තා චිත්‍රපටය ඊශ්‍රායල සහ පලස්තීන නිර්මාණකරුවන් දෙපිරිසක් අතර සාමූහික ප්‍රයත්නයක් වන අතර, ඊශ්‍රායල ජාතික යුවල් ඒබ්‍රහම් හා පලස්තීන ජාතික බාසල් ආද්‍රා වාර්තා ච්ත්‍රපටයේ සම අධ්‍යක්ෂකවරුන් වනවා.
වාර්තා චිත්‍රපටය දිවෙන්නේ පලස්තීන ක්‍රියාකාරිකයෙකු වන බාසල් ආද්‍රා නම් තරුණයා මූලික කර ගෙනයි.
ඊශ්‍රායල සොල්දාදුවන් විසින් පලස්තීනයේ බටහිර ඉවුරේ කෙළවරේ පිහිටි ඔහුගේ උපන් ගම හමුදා පුහුණු කලාපයක් ලෙස භාවිතා කිරීමට විනාශ කර දමමින් සිටින ආකාරය ඔහු වාර්තා කරයි. ඒ හේතුවෙන් ඔහුද අත්අඩංගුවට පත් වීමේ අවධානමකට ලක්වේ.
පසුව ආද්‍රා තම කතාව පැවසීමට උදව් කිරීමට යුදෙව් ඊශ්‍රායල මාධ්‍යවේදියෙකු සමඟ මිත්‍ර වේ.එතෙක් අවධානයට ලක් නොවූ ආද්‍රාගේ කතාව පිළිබඳව අවධානය යොමුවන්නේ එතැන් සිටයි.
නිමා වූ ඔස්කාර් සම්මාන උළෙලේදී හොඳම වාර්තා ච්ත්‍රපටයට හිමි ඔස්කාර් සම්මානය ලබා ගනිමින් චිත්‍රපටයේ සම අධ්‍යක්ෂක ඊශ්‍රායල ජාතික යුවල් ඒබ්‍රහම් ඊශ්‍රායල පලස්තීන අර්බුධය හා විසඳුමක අත්‍යවශ්‍යතාවය අවධාරණය කළා.
“පලස්තීනුවන් සහ ඊශ්‍රායල ජාතිකයන් එකට එකතු වෙලා අපි මේ චිත්‍රපටිය හැදුවේ අපේ හඬ ශක්තිමත් නිසා. අපි එකිනෙකා දකිනවා. ගාසා තීරයේ සහ එහි ජනතාවගේ කුරිරු විනාශය අවසන් විය යුතුයි, ඔක්තෝබර් 7 වන දින අපරාධයේදී ඊශ්‍රායල ප්‍රාණ ඇපකරුවන් කුරිරු ලෙස අල්ලා ගන්නා ලද අතර ඔවුන් නිදහස් කළ යුතුයි’’ යනුවෙනි.
“මම බාසල් දෙස බලන විට, මට මගේ සහෝදරයා පෙනෙනවා. නමුත් අපි අසමානයි ” ඔහු තවදුරටත් පැවසීය. “මම සිවිල් නීතිය යටතේ නිදහස් පාලන තන්ත්‍රයක ජීවත් වන අතර, බාසල් ඔහුගේ ජීවිතය විනාශ කරන ඔහුට පාලනය කළ නොහැකි හමුදා නීති යටතේ සිටිනවා’’
වේදිකාවේදී පලස්තීන ජාතික බාසල් ආද්‍රා පැවසුවේ මාස දෙකකට පෙර ඔහු පියෙකු වූ බවත්, තම දියණියට “මම දැන් ජීවත් වන ආකාරයටම මගේ දියණියට ජීවත් වීමට සිදු නොවනු ඇතැයි බලාපොරොත්තු වන බවත් ප්‍රචණ්ඩත්වයට, නිවාස කඩා දැමීමට සහ බලහත්කාරයෙන් අවතැන් වීමට සැමවිටම බිය වන බවත්ය.”
මෙම වාර්තා චිත්‍රපටය 2019 සහ 2023 අතර වසර හතරක් පුරා රූගත කරන ලද අතර, හමාස් සංවිධානය 2023 ඔක්තෝබර් 7 වන දින ඊශ්‍රායලයට එරෙහිව මාරාන්තික ප්‍රහාරයක් දියත් කිරීමට දින කිහිපයකට පෙරයි මෙහි නිෂ්පාදන කටයුතු අවසන් වී තිබෙන්නේ.
චිත්‍රපටය හරහා ඊශ්‍රායල මාධ්‍යවේදී ‘යුවල් ඒබ්‍රහම්’ අවතැන් වීමට එරෙහිව සටන් කරන පලස්තීන ප්‍රජාව තුළට ගමන්කිරීමට උත්සාහකර කරමින් මෙම ගැටළුව පිළිබඳව වඩාත් සමීප චිත්‍රයක් නිර්මාණය කරනවා.
මෙම චිත්‍රපටය බාසල් ආද්‍රාගේ පෞද්ගලික ලේඛනාගාරයෙන් ලබාගත් කැමරා දර්ශන මත දැඩි ලෙස රඳා පවතී. ඊශ්‍රායල සොල්දාදුවන් ගමේ පාසල බුල්ඩෝසර් කරන ආකාරය සහ මිනිසුන් නැවත ගොඩනැඟීම වැළැක්වීම සඳහා සිමෙන්තිවලින් වතුර ළිං පුරවන ආකාරය ඔහු කැමරාවට හසු කර ගනී.
තම නිවස කඩා දැමීමට විරෝධය පළ කරන ඊශ්‍රායල සොල්දාදුවෙකු දේශීය වැසියෙකුට වෙඩි තබන ආකාරය ආද්‍රා රූගත කිරීමෙන් පසු මසාෆර් යට්ටා හි කුඩා රළු කලාපයේ පදිංචිකරුවන් එක්වෙති. මිනිසා අංශභාග තත්ත්වයට පත් වන අතර ඔහුගේ මව ගුහාවක ජීවත් වන අතරතුර ඔහුව රැකබලා ගැනීමට අරගල කරයි.
