ඇමරිකාවේ මෑන්හැටන් හීදී සෑම වර්ෂයකම මැයි මස පළමු සඳුදා දින පැවැත්වෙන ‘Met Gala’ ලොව වඩාත්ම කීර්තිමත් සහ ආකර්ෂණීයම විලාසිතා උත්සවය ලෙස ජනප්‍රියව පවතිනවා.’
මෙවර 2025 ‘Met Gala’ උළෙල ඉන්දියානු සිනමාවට ආදරය කරන රසිකයන්ට අපූර්ව අත්දැකීමක් එකතු කිරීමට සමත් වූවා.
ඒ බොලිවුඩයේ රජු ලෙස සැළකෙන Shah Rukh Khan මෙම විලාසිතා උළෙලට සහභාගී වීම නිසායි.
මෙහි විශේෂත්වය වන්නේ ඉන්දියාව නියෝජනය කරමින් මෙම උළෙලට සහභාගී වූ ප්‍රථම නළුවා (first male actor) වන්නේ ඔහු වීමයි.
‘Met Gala’ විලාසිතා දැක්මේදී Shah Rukh Khan සැරසී සිටි ඇඳුම් විලාසිතාව බොහෝ දෙනාගේ අවධානය ලක්වූවා.
Shah Rukh Khan සැරසී සිටි ඇඳුම නිර්මාණය කර තිබුණේ ඉන්දියාවේ ප්‍රමුඛ පෙළේ විලාසිතා නිර්මාණ ශිල්පියෙකු වන සබ්‍යසාචි මුකර්ජි විසිනි.
ඒ පිළිබඳව අදහස් දක්වමින් ඔහු ප්‍රකාශ කළේ,
“මගේ designer සබ්‍යසාචිගේ අදහසක් තමයි මේ ඇඳුම. ඔහුට අනුව මෙය නිදහස වගේම අපිව යටපත් කරන්න උත්සාහ කරන දේවල්වලින් අධිෂ්ඨානශීලීව නැඟී සිටීම සංකේතවත් කරනවා” යනුවෙනි.
මීට පෙර Alia Bhatt, Priyanka Chopra සහ Deepika Padukone මම උළෙලට සහභාගී වී සහභාගී වී තිබෙනවා.
එමෙන්ම මෙම උළෙලට ලොව පුරා සිනමා, ගායන, ක්‍රීඩා තරු සහභාගී වී සිටියේ අපූර්ව විලාසිතා මවමිනි.
පහතින් දැක්වෙන්නේ ‘Met Gala’ හි ඡායාරූප කිහිපයක්.
