ආශිකී 2 සිනමාපටයෙන් බොලිවුඩයේ සුපිරි තාරකාවක් වූ ශ්‍රද්දා කපූර්, සිය රංගනයෙන් දායකත්වය ලබා දෙන අලුත්ම චිත්‍රපටයේ දරුවන් සිව් දෙනකු සිටින 40 වියැති මවකගේ චරිතයකට පණ පොවයි.

සිනමාපටය හසීනා : ක්වින් ඔෆ් මුම්බායි ( Haseena: Queen of Mumbai) නම් වේ.

කුප්‍රකට මැරවරයකුගේ තරමක් ප්‍රකට සහෝදරියගේ කතාව මෙයයි යන තේමාව සමඟින් නිෂ්පාදනය වුණු හසිනා හි ශ්‍රද්දා නිරුපනය කරන්නේ තරමක් සුවිශේෂී චරිතයකි.

මෙතෙක් ඇය රඟ පෑ යෞවනත්වයෙන් සපිරි චරිත විලාසයන් මෙම චිත්‍රපටයෙන් වෙනත් මානයකට යොමු කරනු ඇත.

සිද්ධාන්ත් කපූර් සහ අන්කුර් බාටියා ද චිත්‍රපටයට රංගන දායකත්වය ලබා දෙයි.

අපුර්වා ලාකියාගේ අධ්‍යක්ෂණයෙන් යුත් හසිනා අගෝස්තු 18 තිරගත වීමට නියමිතය.