ලොව වැඩිම අදායම් වාර්තා තැබූ හැරී පොටර් චිත්‍රපට මාලාවේ රචිකාව ජේ.කේ. රෝලින් අලුත් වැඩක් ආරම්භ කර ඇති බවට වාර්තා වනවා.

හැරී පොටර් චිත්‍රපට මාලාවටම අලලා සැකසුණු ෆැන්ටෑස්ටික් බීස්ට් චිත්‍රපටයේ 2 වන කතාව නැතිනම් Fantastic Beasts and Where to Find Them ලෙසින් හැඳින්වෙන මෙය ද මනකල්පිත, මායාමය තිරරචනයක් බව සඳහන් වේ.

2016 වසරේ තිරගත වූ ෆැන්ටෑස්ටික් බීස්ට් සිනමා පටය ද ඉහල අදායම් වාර්තා තැබීමට සමත් විය.

කෙසේ වෙතත් මේ වනවිටත් ලන්ඩන් නුවර ආශ්‍රිතව රූපගත කිරීම ආරම්භ කර ඇති ෆැන්ටෑස්ටික් බීස්ට් 2 සඳහා හොලිවුඩ් සුපිරි තරු ජොනි ඩෙප් සිය රංගන දායකත්වය ලබා දී ඇත. ඒ අඳුරු මායාකාර ගෙලර්ට් ග්‍රින්දල්වෝඩ්ගේ චරිතයට පණ පොවමින්.

හැරී පොටර් චිත්‍රපටයේ ඩම්බල්ඩො ද මෙහි රංගනයෙන් දායක වීමට නියමිතයි.

ඩේවිඩ් යේට්ස් අධ්‍යක්ෂණය කරන ෆැන්ටෑස්ටික් බීස්ට් 2  2018 නොවැම්බර් මස තිරගත කිරීමට බලාපොරොත්තු වේ.