'සිකුරුලියා' සිංහල සිනමාවේ ජනප්‍රිය චිත්‍රපටය 1975දී අධ්‍යක්ෂණය කරනු ලැබුවේ අසහාය සිනමා අධ්‍යක්ෂ එච්.ඩී. ප්‍රේමරත්න විසිනි.
එම චිත්‍රපටයේ ජනප්‍රියම ගීත ගණනාවක් අද වන තුරුද ශ්‍රී ලාංකික සිනමා සහ ගීත රසිකයින්ගේ ආදරයට පාත්‍ර වී ඇතැයි යන්න කවුරුත් පිළිගන්නා සත්‍යයකි.
එම ගීත අතර 'වසන්තයේ මල් කැකුලයි' ගීතයට රංගනයෙන් පණ දුන් රංගනවේදිනී සුවිනීතා විමලවීර සහ ගීතයේ ප්‍රවීණ ගායිකා ඉන්ද්‍රානි පෙරේරා හමු වූ වටිනා අවස්ථාවක වීඩියෝවක් ගායක දයාන් විතාරණ විසින් සිය ෆේස්බුක් ගිණුමේ පළ කර තිබිණි.
'වසන්තයේ මල් කැකුළයි..වසර 50 කට එහා සුන්දර මතකයක්..' යැයි දයාන් විතාරණ විසින් එම වීඩියෝව සමගින් සඳහන් කරනු ලැබ තිබිණි.
