ඉන්දියාවේ සුපිරි නළුවෙකු වන වික්‍රම් චැටර්ජි පොලිසිය විසින් අත්අඩංගුවට ගෙන තිබෙනවා.

 දකුණු ඉන්දීය රුපවාහිනී නිවේදිකාවක් මෙන්ම නිරූපන ශිල්පිනියක් වන Sonika Singh Chauhan ගේ මරණය සම්බන්ධයෙනුයි ඔහු අත්අඩංගුවට ගෙන ඇත්තේ.

 පසුගිය අප්‍රේල් මාසයේදී ඔහු විසින් පදවාගෙන යනු ලැබූ මෝටර් රථය අනතුරුට ලක්ව එහි ගමන්කළ Sonika Singh මරණයට පත්වනවා.

 පසුව පොලිසිය මේ සම්බන්ධයෙන් විමර්ශනයක් ආරම්භ කළ අතර එහිදී අනාවරණ වී ඇත්තේ එම අවස්ථාවේ  වික්‍රම් චැටර්ජි අධික ලෙස බීමතින් සිට ඇති බවයි.

 අදාල අනතුර මොහු විසින් සිතාමතා සිදුකරන ලද්දක් ද යන්න පිළිබඳවද පරීක්ෂණ ආරම්භකර ඇති බවයි විදෙස් මාධ්‍ය වැඩිදුරටත් වාර්තා කරන්නේ.