රංගනය,ගායනය, නර්තනය ඇතුළු විවිධ දක්ෂතා රැසකට හිමිකම් කියන කොලිවුඩ් සුපිරි තරු ධනුෂ් සිය ට්විටර් අනුගාමිකයන් සංඛ්‍යාව මිලියන පහ සම්පුර්ණ කර තිබෙනවා.

මිලියන 14.8 අනුකමිකයන් සංඛ්‍යාවකට හිමිකම් කියන සංගීතවේදී ඒ.ආර්. රහුමාන් සහ මිලියන 5.28 අනුගාමිකයන් සිටින ශෘති හසන්ට පසුව කොලිවුඩ් සිනමාවේ මෙම අවස්ථාව සම්පුර්ණ කළ තෙවැන්නා බවට ධනුෂ් පත්විය.

ධනුෂ් තමන්ගේ ප්‍රතිභාව අධ්‍යක්ෂණය, ගීත රචනය සහ නිෂ්පාදනය යන අංශ වලින් ද මනාව පෙන්නුම් කළ තැනැත්තෙකි.

ඔහුගේ “ කොලවරී ඩි” ගීතය 2012 දී ලොව ප්‍රසිද්ධියක් අත් කරගැනීමට සමත් විය.

කොලිවුඩය අභිබවමින් බොලිවුඩය කරා ද පිවිසි ඔහු රාන්ජානා සහ ශමිතාබ් ඔස්සේ සිය දක්ෂතා දැක්විය.

එතැනින් නොනැවතුණු ඔහු මේ වන විට හොලිවුඩ් සිනමාපටයකට සිය රංගන දායකත්වය ලබා දෙයි.

ධනුෂ් සහ බොලිවුඩ් නිළි කාජල් රඟපාන VIP 2 චිත්‍රපටය මේ වනවිට සිනමාශාලාවල ප්‍රදර්ශනය වේ.