ජනාධිපති මෛත්‍රීපාල සිරිසේන ජනාධිපති ධූරයට පත් වී වසර දෙකක් සම්පූර්ණ වන අද (08) දිනය වෙනුවෙන් ගීතයක් එළි දක්වා ඇත.
“සත්‍යයේ මිනිසා” ලෙස නම් කර ඇති ගීතයේ පද රචනය ජනමාධ්‍ය අමාත්‍යාංශ ලේකම් නිමල් බෝපගේ විසින් සිදුකර ඇත.
එහි සංගීතය නවරත්න ගමගේ සහ ගායනය දුමාල් වර්ණකුලසූරිය විසින්ද සිදු කර තිබේ.
තිරසර යුගයක තෙවසර ඇරඹුම ජාතික සම්භාවනාව අද
තෙවැනි වසරේ ඇරඹුම වෙනුවෙන් ජනාධිපති මෛත්‍රීපාල සිරිසේන මහතාගේ සංකල්පයකට අනුව ‘තිරසර යුගයක තෙවසර ඇරඹුම’ ජාතික සම්භාවනාව අද (08) කොළඹ බණ්ඩාරනායක අනුස්මරණ අන්තර්ජාතික සම්මන්ත්‍රණ ශාලාවේදී පැවැත්වේ.
වසර 2017 දී දිළිඳුකමින් තොර රටක් බිහි කිරීමේ ජාතික වැඩපිළිවෙළ මේ වනවිටත් ප්‍රකාශයට පත් කොට තිබේ.
අද පැවැත්වෙන තිරසර යුගයක් සම්භාවනාවේ ප්‍රධාන දේශනය සඳහා ඉන්දියාවේ අන්ද්‍රා ප්‍රාන්තයේ මහ ඇමැති ආචාර්ය චන්ද්‍ර බාබු නායිදු මහතා ද සහභාගි වේ.
