ශිහාන් මිහිරංග යනු ශ්‍රී ලංකාවේ සුපිරි තාරකාවය. සිරස සුපර් ස්ටාර් වේදිකාවේ පළමු අදියරෙන්ම තාරකාවක් බවට පත් වූ වචනයේ අර්ථයෙන්ම සුපිරි තරුවය.

මීට දශක දෙකකට ආසන්න කලක් එනම්, වසර 19කට පමණ උඩදී ශිහාන් සිරස සුපර් ස්ටාර් තරඟාවලියේ අතරමැදදී කිරුළ නොලබා ඉවත් වුවද එවකටම පැහැදිලිව දක්නට ලැබුණ කාරණය වූයේ ශිහාන් වටා පැවති තරු ගුණයයි. බොහෝ දෙනෙකුගේ ආදරය මෙන්ම ඊර්ෂ්‍යාවටද ලක් වන මිහිරියාවයි.
පසුගිය ආදරවන්තයින්ගේ දිනය වෙනුවෙන් විහාරමහදේවි එළිමහන් රංග පීඨයේදී පැවැත්වුණ Love And Promises එළිමහන් ප්‍රසංගය ශිහාන්ගේ තරු ගුණය පෙන්වූ තවත් එක් දිනයකි.
ශිහාන්ට අමතරව ජය ශ්‍රී, ටෙහාන් පෙරේරා, දසුන් මධුෂාන්, හනා ශෆා, ආදිත්‍යා වැලිවත්ත සහ අශාන්‍යා ප්‍රේමදාස සහභාගි වූ මෙම ප්‍රසංගයේදී ශිහාන්ට ආ රසික ප්‍රතිචාර ඉතා ඉහළ විය.
එය තමන්ටද අමතක නොවන දිනයක් ලෙස ශිහාන්ද සිය අදහස් දක්වා තිබිණි.

https://fb.watch/qf3cL6qztd/