ඩිස්නි සමාගම විසින් නිෂ්පාදනය කරපු ‘Snow White’ අළුත්ම චිත්රපටිය පසුගියදා (මාර්තු 21) තිර ගත වූවා. මේ චිත්රපටිය අධ්යක්ෂණය කරලා තිබුණේ Marc Webb විසින්.
ඩිස්නි සමාගම මුල් වරට 1937 අවුරුද්දෙදි නිර්මාණය කරපු ‘Snow White and the Seven Dwarfs’ නැමැති කාටුන් චිත්රපටය මෙතනදි අමතක කරන්න බෑ. ඒ කාටුන් චිත්රපටිය අදටත් ලෝකයේ ඉතාම ජනප්රියයි.
මේ සෑම චිත්රපටියකටම පදනම් වෙන මුල් කෘතිය තමයි 1812 අවුරුද්දේ ජර්මානු ලේඛකයන් දෙදෙනෙකු වන ග්රිම් සහෝදරයන් විසින් රචනා කරපු ‘snow white’ කියන සුරංගනා කතාව.
ලංකාවෙ නම් බොහෝ දෙනෙක් මේ කතාව දන්නේ හිම කුමරිය සහ අගුටු මිට්ටන්ගේ කතාව කියලා. මේ කතාව ආශ්රයෙන් නිර්මාණය කරපු විදේශීය රූපවාහිනී කතා මාලාවකුත් කාලයක් ලංකාවේ එක රූපවාහිනී නාලිකාවක විකාශය උනා.
කොහොම උනත් මේ අවුරුද්දේ ඩිස්නි සමාගම නිර්මාණය කරපු ‘Snow White’(2025) චිත්රපටියට නම් විචාරකයන් එතරම් ධනාත්මක ප්රතිචාර දක්වලා තිබුනේ නෑ.
සමහරු නම් කියලා තිබුනේ මේ චිත්රපටියේ ‘Snow White’ ගේ චරිතය නිරූපණය කරපු Rachel Zegler මේ චරිතයට ගැළපෙන්නේ නෑ කියලා.
කොහොම උනත් තාම තිර ගත වෙමින් පවතින නිසා මේ චිත්රපටියේ සාර්ථක අසාර්ථක භාවය ගැන නම් තවම මොකුත් හරියට කියන්න බෑ.
මේ විදිහට “ස්නෝ වයිට්”(2025) ගැන ලෝකය පුරා විවිධ විචාරක අදහස් පල වෙද්දි ලංකාවෙ සිනමා රසිකයන් තුළත් මේ චිත්රපටිය ගැන කතා බහක් නිර්මාණය වෙලා තියෙන බව පේන්න තියනවා. විශේෂයෙන්ම සමාජ මාධ්ය තුළ මේ චිත්රපටය ගැන ප්රේක්ෂකයෝ විවිධ අදගහස් පළ කරළා තිබුණා.
පහතින් දැක්වෙන්නේ Anton Fdo කියන face book පරිශීලකයා තමන්ගේ මුහුණු පොතේ මේ ගැන පළ කරලා තිබුණ අපූරු අදහසක්. මේ චිත්රපටය ගැන මෙය තරමක වෙනස් අදහසක් නිසා එය පහළින් දක්වනවා.
“පහුගිය දවස් ටිකේ “ස්නෝ වයිට්” ෆිල්ම් එකේ රඟපාපු ගෑණු ළමයා එච්චර සුදු නැහැ සහ ලස්සන නැහැ කියල හැට පැනපු පිරිමි මාර තරහකින් ඒක විවේචනය කරනවා දැක්කා. මින් සමහරු, දැන් ඉන්න පිරිමින්ගේ පිරිමිකම එහෙම මදියි කියලා සෑහෙන්න කෑගහපු කට්ටිය.
ප.ලි: මට නං ඒ ගෑණු ළමයාගේ එහෙම ලස්සන නැතිකමක් පේන්නේ නෑ. හැබැයි අනන්යතා දේශපාලනයෙන් නොමඟ ගිය කෙනෙක් කියලා පේනවා. හැබැයි ඉතින් ඒක ෆිල්ම් එකට එච්චර අදාළ නැහැ නේ. තමන්ටත් ස්නෝ වයිට් වගේ වෙන්න පුළුවන් කියලා හීන දකින්න පොඩි දුඹුරු ගෑණු ළමයින්ටත් චාන්ස් එකක් දෙන්න තමයි මේක හදලා තියෙන්නේ කියලා මට තේරෙන්නේ.”