“ගාඩි” වැඩ අවසන්, ප්‍රදර්ශනයට සුදානම්  

කන්ද උඩරට රාජධානි සමයේ අවසන් භාගයේ සිදුවීම් පාදක කරගනිමින් නිම වුණු ප්‍රසන්න විතානගේගේ නවතම සිනමාපටය “ගාඩි” මේ වනවිට ප්‍රදර්ශනයට සුදානම් කර ඇති බව වාර්තා වනවා.

මෙය ඔහුගේ දසවැනි සිනමා නිර්මාණය වේ.

සජිත අනුත්තර ඇන්තනි, ඩිනාරා පුංචිහේවා “ගාඩි” හි ප්‍රධාන චරිත හොබවන අතර රංගන ශිල්පින් ශිල්පිනියන් විශාල පිරිසක් සිනමාපටයට රංගන දායකත්වය ලබා දී තිබේ.

ශ්‍රී ලංකා, ඉන්දියා සහ යුරෝපිය සම නිෂ්පාදනයක් ලෙස නිමවෙන මෙම සිනමාපටය එළඹෙන සැප්තැම්බරයේ සිට ප්‍රදර්ශනය කිරීමට නියමිත බවයි වැඩිදුරටත් වාර්තා වන්නේ.