ප්‍රියන්ත කොළඹගේ අලුත්ම සිනමා පටය 'මන්දාරා' මාධ්‍ය දැක්ම ඊයේ (07) දිනයේදී සිදු විය.
ජූලි 26 වැනිදා සිට දිවයින පුරා සිනමාහල්වලදී ප්‍රදර්ශනය ඇරඹීමට නියමිත චිත්‍රපටය බැලිය යුතුම චිත්‍රපටයකැයි එය නැරඹූ බොහෝ දෙනෙකු සඳහන් කර තිබිණි.
ප්‍රේක්ෂකයන් බල බලා හිටි ප්‍රියන්ත කොළඹගේ විසින් නිර්මාණය කරන ලද සිනමා නිර්මාණයක් වන 'මන්දාරා' මේ වසරේ නැරඹිය යුතුම චිත්‍රපටියක් ලෙස සිනමා ප්‍රේක්ෂකයන්ගේ අවධානයට ලක් වී තිබේ.
චිත්‍රපටයේ සේමිණී ඉද්දමල්ගොඩ, චානුක ප්‍රබුද්ධ, මේඝා සූරියආරච්චි, චුලක්ෂි රණතුංග, බිමල් ජයකොඩි, ඉසුරු ලොකුහෙට්ටිආරච්චි, ලක්ෂ්මන් මෙන්ඩිස්, චාන්දනී සෙනෙවිරත්න, මාධනී මල්වත්ත, ප්‍රියංකර රත්නායක, සහේලි සදිත්මා, ඉමානි කළුාරච්චි, දසුන් කොළඹගෙ, මේඝ කාවින්ද කොළඹගේ, ශ්‍රියානි, කොළඹගේ රංගනයෙන් දායක වෙති.
ඩොනල්ඩ් ජයන්ත සහාය අධ්‍යක්ෂණයෙන්, සිනමා නිර්මාණය රුවන් කොස්තා සහ නිෂ්පාදනය මහේන් පෙරේරාගෙනි.
