ආචාර්ය ලෙස්ටර් ජේම්ස් පීරිස් විසින් අධ්‍යක්ෂණය කළ ‘නිධානය’ චිත්‍රපටය ප්‍රදර්ශනයක් 2025 අප්‍රේල් 02 වන දින සවස 6.00 ට කොළඹ 07, Goethe-Institut ආයතනයේදී පැවැත්වෙනවා.
ලෙස්ටර් ජේම්ස් පීරිස්ගේ ජන්ම සැමරුම යෙදෙන අප්‍රේල් මාසයේ ඔහුගේ ජීවිතය හා සිනමා කෘති සිහිපත් කරමිනුයි ‘නිධානය’චිත්‍රපටය ප්‍රදර්ශනය සංවිධානය කරන්නේ. චිත්‍රපටය ඉංග්‍රීසි උපසිරැසි සහිතව ප්‍රදර්ශනය කෙරෙනවා.
1972 වර්ෂයේ දී තිරගත වූ ‘නිධානය’ චිත්‍රපටය 1972 ‘Venice’ ජාත්‍යන්තර සිනමා සම්මාන උළෙලේ ‘Silver Lion’ සම්මානය සම්මානය දිනා ගැනීමට සමත් වූවා. එමෙන්ම මෙම චිත්‍රපටය 1997 වර්ෂයේ රාජ්‍ය කමිටුවක් විසින් තෝරනු ලැබූ ශ්‍රී ලාංකීය සිනමාවේ පළමු වසර 50 තුළ තිරගතවූ හොඳම චිත්‍රපට දහය අතුරින් පළමු ස්ථානය හිමිකරත් චිත්‍රපටය වනවා.
ඔබ සැමට මෙම අවස්ථාව සමග එක් විය හැකියි.
