ආකාස කුසුම් චිත්‍රපටය තිරගත වී 2025 වසරට වසර 17ක් සම්පූර්ණ වනවා.
මෙය නිමිති කර ගෙන මෙන්ම, මෙම චිත්‍රපටයේ ප්‍රධාන චරිතයට රඟපෑ ප්‍රවීණ රංගන ශිල්පිනී මාලනී ෆොන්සේකා හට කෙරෙන ගෞරවයක් ලෙස ද අප්‍රේල් 30 වනදා සිට සීමිත දින ගණනකට, සීමිත සිනමාහල් ප්‍රමාණයක ආකාස කුසුම් චිත්‍රපටය 4K ඩිජිටල් තාක්ෂණයෙන් යළි පුළුල් තිරයේ එළිදැක්වීමට සැලසුම් කර තිබෙනවා.
මෙම චිත්‍රපටය අධ්‍යක්ෂණය කරන ලද්දේ ප්‍රවීණ සිනමාකරු ප්‍රසන්න විතානගේ විසින් වන අතර මෙම චිත්‍රපයයේ ‘සන්ද්‍යා රාණි’ ගේ චරිතයට පණපොවමින් දැක්වූ රංඟනය වෙනුවෙන් මාලනී ෆොන්සේකා හට 2008 වර්ෂයේ ඉන්දියානු ජාත්‍යන්තර සම්මාන උළෙලේදී (IFFI) හොඳම නිළියට හිමි සම්මානය හිමි වූවා. එමෙන්ම ආකාස කුසුම් චිත්‍රපටය ද දෙස් විදෙස් සම්මාන උළෙලවල් ගණනාවකම ඇගයීමට පාත්‍ර වූවා.
වසර 17ක් පැරණි මෙම “ආකාස කුසුම්” සිනමා පටය නව තාක්ෂණයෙන් ප්‍රතිස්ථාපනය කරමින් අප්‍රේල් 30 වැනිදාට යෙදෙන මාලිනි ෆොන්සේකාගේ 78 වන ඡන්ම දිනය දවසේ දී විශේෂ දර්ශනයක් පවත්වන බවයි මෙහි අධ්‍යක්ෂකවරයා වැඩිදුරටත් පවසා තිබුණේ.
