මං මේ අවුරුද්දෙ බලපු හොඳම මලයාලම් චිත්‍රපටය Aattam. ඒ විතරක් නෙවේ මේ වගේ බහුකේන්ද්‍රීය චරිත නිරූපණය ගැන හැදෑරීම්වලට පවා ගන්න වටින චිත්‍රපටයක්. ලෝක සිනමාවේ ඒ ධාරාවේ තියෙන 12 Angry men වගේ දැවැන්ත සිනමාපටයක් එක්ක බය නැතුව කරට කර තියන්න පුළුවන් චිත්‍රපටයක්. අනික් අතට ඒ තරමටම,සමහර තැන්වල ඊටත් වඩා ඩ්‍රාමටික් මේක.

මේක ගැන මටනං වෙනම හැදෑරීමක් කරලා පොතක් ලියන්න තරමට ඩීටේල්ස් තියෙනවා.

ඒ නිසා aavesham, manjummel boys, premalu, brahmayugam වගේ ඒවා බලන අතරෙම මේකත් බලන්න. ඒවට අනන්‍යවූත්, ආවේණික වූත් සිනමා රස තිබ්බ වගේම මේකටත් තියෙන්නෙ මේකටම ආවේණික සිනමා රසයක්.

මට මේක ලියද්දි ඒ චිත්‍රපටේ ගැන දැනෙන හැඟීම එක්ක මේක ලියල ඉවරවෙලා ආයෙත් බලන්න හිතෙන තරම්.

මං ලේසියකින් මාස්ටර්පීස් කියන වචනෙ පාවිච්චි කරන්නෑ. හැබැයි Aattamනං සිරාම masterpiece එකක්. ගින්දර drama movie එකක්.